الدم اللي بقي مية

عجبي ع الدم اللي بقي مية

واحنا قدامهم مش متشافين بالمرة

دوقونا فنون متنوعة م اشكال الأسية

كفنو الضحكة ع الشفايف ومش دي بس الإشكالية
الحكاية ان الحكاية مسرحية مستمرة
فين النهاية عايز حكم يصدر ف القضية
محكوم علينا نتألم وميحسوش رغم اننا الذٌرية
حقوق ملناش طلبات ف الطناش مسألة عادية
عيشة ملهاش لاطعم ولا لون مطبلاتي وصهبجية
بيلحنوا ع دموعنا ويلالوا بكسرتنا القوية
وشوبش يااللي منتيش غرمانة مات حلم الصبية
بح مفيش وافرح يا سبب وجودي عجبتك النهاية ديا
ماشي مفيش مشكلة عيش وضيعني واسمع دعوتي عليك ف ساعة عصرية
م يوم ماجيت انا ع وش الدنيا من آساك اتعلمت الشكية
مش للناس ل اللي اعظم مني ومنك يرد ليا حقي وتنتهي التمثيلية
تخلص بقي كفاية مبقتش مستحملة اي أذية