GuitarAlcjnدعاء جودة

بتعايرني بتعايرني بحقي عندك وتطالبني أبر بيك كارهة بيتك رافضة بردك ليه تبيعني وأشتريك

الجفون دبلانة مالنا العيون سهرانة ليلنا الدموع مش لاقية غيرنا ليه السعادة ماتملي عينا معقول ده يبقي حالنا يوم جراحنا ما حد شالنا  ما حد ابدا طفي نارنا ليه المشاكل شاغلة بالنا دا إحنا جينا وليكو قولنا  محتاجينكم كل واحد فيكو لامنا مين ف يوم فكر وزارنا  مين بعدنا  مين هجرنا   مين رحمنا  مين سقانا النار وويلنا حد فيكو مرة جالنا  حد فيكو خدنا صانا كل واحد فيكو هانا كل واحد فيكو خانا منكو انتو الدمع طالنا انتو عشتو واحنا ضعنا احنا مش لاقيين طريقنا  احنا مش عارفين حقوقنا احنا غيركو وانتو غيرنا  انتو صح ولا احنا رايحين لفين ايه مصيرنا  هيجي يوم ونلاقي نورنا يوم نقول دي حياتنا ده طريقنا  هننام خلاص م غير عذابنا  هننسي خوفنا هنعيش لروحنا الكلام ده بيه حلمنا احنا مين مجاش خذلنا م السعادة مين حرمنا و ف حياتنا مين ظلمنا  غيركم انتو حبايبنا منكم انتو جه ندمنا خلاص عرفنا  بعيونا شوفنا ...

ألوم ع الدنيا ولا الناس مش عارفة بصراحة بس العيب ع الناس اللي بتضحكلك بكل بجاحة وانتا عارف إنهم كارهينك طيب ليه الوقاحة  محتاج بجد لأجازة ماأشوفش حد أو حتي أسبوع راحة ... ماهو أصلهم دمهم واقف مليان سماجة تمثيلية مش كاملة ناقصها الديباجة يخدعوك ويظهرولك الابتسامة بكل فجاجة كدابين عايزين ياخدوا بس ميدوش أي حاجة ... بكل عين قوية ياخدوا اللي ليك بفظاظة كأنه حقهم وفاكرين الضحكة المرسومة بتديهم لذاذة إخص ع دي عينات ع الكبير والصغير ع تلك وهذا بينك وبينهم إتبني كره وحزازة ... كبر ونفض عشان تعيش اتعود تمشي ع الشوك حافي بلاش تتعامل بحسن نية وتبين أصلك الدافي كل واحد عامله بطريقته ولا أقولك خليك بارد وجافي ... اللي يجرحك اجرحه وعلمه الذوق والأدب كشر اظهر وبين ماتكتمش جواك الغضب دول صنف أصله م الرخيص مهماش فضة ولا دهب لو حتي كانوا أقرب قرب و م العصب ... اوعي تنسي الآسية ومتنساش المعروف فكر نفسك دايما بااللي جار عليك وهوه م دمك بعكس المألوف لسه طريقك طويل هتمشيه إزاي وهوه لاسالك ولا مر...

مش عارفة ليه متلخبطة جوايا صراع ماشية ف طريق ملوش آخر ف مركب م غير شراع نفسي أقول للناس والدنيا كلمة واحدة "كلمة"وداع محدش حس بيا الا هيا بس هيا هتعمل ايه وكله باع وبقي الجرح ليا والأذية م غير حساب وع المشاع شايفين المبادئ والاخلاق شئ غريب ولازم األبس القناع عايزني أنافق أعيش زيهم انسان مهوش انسان "انسان"مليان خداع الدنيا عايشنها بالصدر عافية واخدينها قوة وبالدراع دي مش حياتي ولا دنيتي انا عايزة دنيا صافية م غير أوجاع مش عارفة مبقتش فاهمة حاجة ضايعة مع انسان طماع عايز يضيع كل حاجة وياخد حق غيره ومش مهم لو غيره جاع المهم هوه بس يملك كل حاجة ويبني حواليا قلاع اسوار عالية حواجز خنقاني مانعة عني الهوا عاملي سبع السباع عايز حقه اللي مدفعش تمنه وفين حقي أنا ف القاع طيب امتي هقب ع وش الميه ده السمكة اما بتموت بتقب م القاع حاسة بحاجات مش عارفة ألاقيلها كلام أوصفها بيه ماهو عليا سياف مناع عيشني زي مثلث م غير أضلاع سلعة متقبلش الإرجاع حتي نشاط الشباب والفرحة بالمستقبل ضاعو ف تجربة اختراع اختراع فشل وأ...

الظلم ف الدنيا زاد عن الحد وكتر الجفا قطع خيوط الود وأذية الناس لبعضها بقت لاتحصي ولا تعد ولا عاد الاب ايده لإبنه بالمساعدة تتمد عايشين الحياة ع طول ف جذب وشد ومحدش همه المعبد ع راس مين يتهد وتزيد الفجوة بين البشر يعاندو ويزيدوا  ف البعد  معتش ف قولة اعمل الخير .. فيه بس هات وخد   الكل ماشي عكس الاتجاه مبقوش مع.. بقو ضد بنوا مابينهم حاجز كبير أوي وسد خرج الدفا م قلوبهم  مفضلش غير البرد وعن طريق الخير كله بعد وارتد وأما الواحد يستغرب حال الدنيا يقولوله إيه جد محدش راضي بعيشته ولا عاجبه يعيش ع الأد الكل عايز يعيش ند لند وأما تقولهم فكروا ف بكرة الغد  بكرة تكبرو وتضعفو يقابلوك بالصد ومحدش عايز يبقي زيه حد كأنه كاتب مع الشيطان كونتراتو وعقد أنه مايرجع أبدا للخير ويوفي بالوعد والدنيا تتشال تتحط لاهمه برق ولا رعد مع إنه إيه مجرد انسان ضعيف فرد ولابياخد بنصيحة ولا برأي غيره بيعتد ناسي انه بإيده خلق أعداؤه انه نايم ع شوك مش ورد وأنه اللي معاه ومقويه مجابوش لابكد ولا بجهد وإن دعوة المظلوم بحرقة بتبقي مرة علقم مش شهد ...

ازاي مش خايف عليا عايش وشايف دموعي ف عينيا مضيع حقوقي ساقيني الآسية ازاي مش خايف عليا هوه انا كنت جافيتك ده عدد سنين عمري ناديتك لكنك عادتني رمتني ولاقيتك كارهني وبايع ناسيني نسيتك ازاي مش خايف عليا خلاص عرفت اني مليش ف الدنيا حد ياخد بإيدي يمسح دموعي عشاني بجد ينسيني ناري وتوهتي ليالي يدفيلي برد يداوي جروحي يرجعلي روحي وإيده لإيدي للحظة تتمد ازاي مش خايف عليا ف الوقت ده انا محتاجاك.. قصدي كنت دلوقتي انتا جاي تعطف ..ما انتا بعت لو بموت عمري ماهطلبها منك يااللي عشت عشت ع جرحي وبكايا ..عشت انتا لكني توهت ازاي مش خايف عليا قتلت كل حاجة حلوة حلمت بيها جرحت مشاعري اللي ليك فكرت اهديها انتا ايه معملتهوش فيا وفيها ياااه حاسة بمرارة مش قادرة اوصفها ولا احكيها ازاي مش خايف عليا ليه مضللتش ع العش كنت معانا بمليون وش كدبة كبيرة عشت انا فيها وهم وغش بادعي عليك ليل ونهار لرب العرش ازاي مش خايف عليا ذنبي ايه؟؟ الذنب ذنبك قصدي ايه قصدي المك ضيعتك وندمك عذابك وحيرتك اشوفك تآسي آلامك تقرب ..ما هبعدها عنك و...

يعني ايه؟ يعني ايه كلمة أبوة اي حد يجيب عيال يبقي هوه هي فين هيا الابوة مين يقول مين يقول إن الضنا أصبح رخيص..مين يقول إن الحنان بقي شئ عويص مين سامعني مين شايفني مين يقولي حاسس بعجز ملوش حدود معتش فيا طاقة للصمود انا قلبي عاد مليان جحود دا أنا شاف دموعي ع الخدود مجاش عليا يمسح دموعي جاي بعد ايه يطلب رجوعي أنا تاني لاء .. عمري ماهظهر ليه خضوعي .. دا حبه مات مابين ضلوعي جاي تسأل يعني ايه؟ أنا اقولك يعني ايه ,, لما تبعدني سنين , لما تحرمني الحنين ,, أنا ليك !! أبقالك مين؟ .. ده معاك حسيت بأنين ,, وأنا قلبي بقي حصن حصين عرفت يعني ايه يعني عمري ما اكون معاك,, يعني عمري ما اقول فداك ,, يعني أبيع بقي مين سواك لــــــــــــــــــــــو فاكر اني محتاجاك.. محتاجة حضنك ودفاك.. محتاجة قلبك وهواك ...

نفسي الايام تدور والظالم ينكســـــــــــــر قدام عيوني اشوف الحق بينتصــــــــــــــر يجي ويطلب لقايا يقولي انا بعتــــــــــــــذر وساعتها هقوله لاء طول عمري بنتــــــــــــظر تيجي وتطلبها مني واقولها انا بــعـــــــتـــــذر مهما تقول م كلام ماضيك ماهيندثــــــــــــــر مهما تبكي بدماك قلبي ماهينفطــــــــــــــــر ارجع لسنين جفاك ويمكن تفتكـــــــــــــــــــر ازاي رميت ضناك وسبته ينتحـــــــــــــــــــر بإيديك خته لطريق ويمكن ينأســــــــــــــــــر اسمك ف حياة ضناك عمره ماهينذكــــــــــــــــر حبك ماسمحت بيه م قلبه هينبتـــــــــــــــــر بكرة الايام تدور والظالم ينكســــــــــــــــــر

روحي ف جسدي كشمعة مجرد شمعة لايكاد نورها يضئ غرفة وحولها رياح وعواصف شديدة .. المنطق يقول أن ضوء تلك الشمعة سيخبو بل انه سينطفئ عما قريب.. حينما تصعد الروح لبارئها فليتكفل هو بها إما يريحها أو يكمل عليها ويشقيها وف كلتا الحالتين ف هي روح معذبة.. إن لم يكتب لهذه الروح بالخروج م ذاك الجسد رغم هول ماتلاقيه م عواصف فلتدخل ف غيبوبة طويلة الأمد حتي تنتهي كل تلك العثرات والعواصف الهوجاء

نفس الوتيرة  ..  و ذات المنوال ربما أمر حاليا أو للإنصاف منذ زمن بحالة سكون ف نفس الشعور بأنني لاشئ لاشئ لنفسي ولاشئ لأحد لم أحقق أي شئ صبوت لبلوغه مازلت قابعة ف مكاني حيث الفراغ الداخلي م كل شئ لم أعد أجدني او لم اعد موجودة م الاساس لست أنا تلك التي كانت عيونها لامعة بحب الوجود تلك العنيدة الصغيرة التي كانت تنزعج ممن يظنها طفلة وهي بالفعل كانت طفلة لم تصل بعد للتاسعة م عمرها كانت تري انها اكبر م عمرها ليس ضيقا او حزنا او وهن بل عقلا وشعور تعتقد أنها ناضجة كفاية تلك الشقية المرحة تلك التي كانت لا اجدها الان وقد نضجت فعليا تنظر لنفسها نظرة مزدوجة لاتستطيع ان تحدد وضعها هل هي طفلة ام شابة إنها الان ع الحافة بين المرحلتين كانت تستهوي المرحلة الطفولية اكثر وترفض عالم الشباب اما الان فهي ترفض العالمين الطفولي والشبابي لاتتقبل ذاتها ع اي شاكلة تلك هي المعضلة حتي السند النفسي الذي كانت تلوذ به ف فترة ضعفها لم تعد تلجأ له ربما لأن الحل لم يعد بيد أحد الحل أصبح بين يديها هي نفسها خطوات الوصول لأول الطريق اولا عليها تقبل وضعها الحالي وهي لا تتقبله ولن تتقبله ثانيا عليها محاولة الخرو...